心痛老婆受委屈陸永轟曲赤唔負責任
組合農夫成員陸永的太太泳娜亦捲入慾照事件，婚前與曲赤的激咀相流出！陸永昨日接受本報電話訪問時，強調老婆只是飲醉才會與曲赤咀嘴，而且是在婚前發生：「啲相係幾年前影，大家唔好攪亂時序，好多人誤會我老婆偷食，其實當時我仲未識老婆！」對於慾照事件令曲赤的出碟計劃擱置，他覺得不算「罪有應得」，但暗寸對方：「本來無一物，如果想頭炮出碟，應該做好音樂先，唔係出封面。（網友彈佢Rap歌唔掂？）彈佢嘅人好叻，見識好廣，我唔評論佢嘅作品，大家風格唔同。」
對於曲赤承認與連詩雅有性關係，而連詩雅當時只有16歲，問到會否覺得教壞年輕人，他說：「發相呢個影響仲大！（曲赤話唔知點解啲相會流出？）依家所有相都話唔知點解，唔負責任又無可奈何！」
老婆泳娜捲入慾照事件，令陸永非常心痛！