曲赤：我先係受害者
因慾照流出而被寸博宣傳的Rap仔曲赤，昨日聲稱照片並非他一人擁有，暗指連詩雅及陸永講大話，他說：「啲相除咗我，連詩雅同泳娜（陸永太太）都有，唔可以話一定係我放！我同泳娜啲相，當年大家都有放喺Facebook，好多人見過，唔排除有人存起咗，但我好耐之前已經刪除晒。（點解刪除？）因為我哋唔係情侶，唔想令人誤會。」對於被指博宣傳，他說：「我又冇電視節目，又唔係有電影同唱片推出，點解要話我？我喺呢件事上冇着數o架！公司仲可能因而雪藏我，連碟都出唔到，我先係受害者！」至於同公司的o靚模許穎（Phoebe）非常同情及支持曲赤，但強調二人並非拖友。