何潤東錯認徐子珊千億新抱

徐子珊前晚出席活動，被首次碰面的何潤東誤認是徐子淇，子珊笑說：「冇所謂啦！只係覺得好好笑！」真的非常大方！

無綫藝人徐子珊前晚谷胸到上海出席酒商舉辦的活動，揮低同場打扮密實的名模熊黛林（Lynn）！不過，贏盡閃光燈的子珊竟輸給同場的台星何潤東，因對方誤以為她是「千億新抱」徐子淇，更以「很有錢人的太太」來形容她，其後子珊笑說：「冇所謂啦！我只係覺得好好笑！」事後何潤東對自己擺烏龍亦感到不好意思。

子珊最近因拍攝廣告而積極減肥，大騷瘦身成果的她被問到早前與眼科醫生謝偉業傳緋聞，她強調與對方只是朋友：「佢唔係圈中人，所以都唔想講咁多影響到佢屋企人，現時我以工作為重！」

Lynn未搵夠

至於輸了「峰」頭卻贏盡桃花的Lynn再次否認與男友郭富城的婚訊：「成日咁寫會畀人覺得我做宣傳，對我唔係幾公平！（城城安慰？）唔使擔心！識我嘅人都唔會誤會。（感情順利？）我事事都好順利！（結婚有共識？）自己都未準備好，我想搵多一、兩年錢先！」

另外，何潤東似乎不敢多注視兩位靚女，他笑說：「阿Lynn係人哋女朋友，而另一個係香港小姐，咁靚女，所以唔敢望多兩眼！」