陳嘉桓「啞狗」養到開聲

愛狗之人陳嘉桓（Rose）家中養了四隻狗，其中比熊犬BB和玩具貴婦狗Zero都是領養回來的，身世非常可憐！白色的BB因朋友要移民，故Rose決定把這隻狗女帶回家︰「佢係屋企唯一嘅狗女，啱啱養佢時好冇自信，仲要係第三手，我用咗大半年時間先同佢溝通到，開頭佢唔理我o架！」她表示BB喜歡家中另一隻狗仔「阿仔」，經常跟着對方︰「試過之前返內地拍戲，可能太耐冇見，返嚟叫佢但佢竟然去搵阿仔先，成晚叫佢都唔理我，到第二日叫佢先識得衝埋嚟。」

而Zero則是Rose的弟弟拾回來的，她表示Zero在打風落雨時被人遺棄街上︰「當時打緊風，我細佬經過大廈好多次都見到佢坐喺門口，保安員話佢坐咗好耐，叫我細佬好心就帶佢返去。」其後她把Zero的相片放在網上希望找回主人，但沒有消息，故決定把Zero留在家中：「本身屋企有3隻狗，見Zero好可憐就養埋佢！」Zero初時非常靜，故Rose以為牠是隻啞狗︰「初頭以為佢啞o架，完全唔叫，但依家佢好好動，同其他狗相處好融洽，而且好為食好重磅！」