陳敏之讚精靈似足爸爸
一索得龍女的郭羨妮，獲一班圈中好友祝賀，其中恨生恨到發燒的周家蔚最為肉緊，郭晉安則吼實其靚女兒，希望為他的四歲兒子對親家！另一身在橫店開工的老友馬浚偉，準備大手筆打金器做賀禮。
好姊妹陳敏之除了祝賀郭羨妮誕女外，還希望她三年抱兩：「睇咗佢個女嘅相，好精靈好得，仲好似爸爸！」得知喜訊的唐寧則表示會往探望：「我哋可以對親家，介紹我個仔畀佢囡囡識！（送咩？）見到BB再諗。」曾合作的古天樂昨晚出席活動，但不知郭羨妮誕女，他說：「係咩？（送禮物？）睇吓佢有乜需要搵人買畀佢。咁快就生咗，唔係啱啱先結婚咩？」
