59歲張偉文開騷怕冇氣
實力歌手張偉文將於下月舉行兩場演唱會，問到是否毫無壓力，已第6次開騷的他笑說：「年底就60歲，我呢個年紀冇乜壓力，做好準備工夫就得，唔使驚出錯，只怕唔夠氣。兩年前開騷時，落台同觀眾握完手上番台，都要深呼吸好多次，所以依家有時間就去公園散步練氣。」
由和音唱到開騷，張偉文的努力沒有白費，他慨嘆藝人很多時只是曇花一現，故要珍惜機會：「呢10年算係咁，唱和音好景時一年賺到五、六十萬，仲有錄音同廣告收入，但點都冇幕前搵咁多。」金融風暴曾令他一鋪清袋，連樓也沒有了，故他現時只會買穩陣的藍籌股：「翻身時間冇咁長，呢幾年賺咗近百萬。」
在金融風暴中蝕入肉的張偉文，近年改買藍籌股，賺得近百萬元。