甄詠珊隨時嫁Mr. Right
剛宣布拆彈的甄詠珊，最近與亞視簽了3年合約，以主持工作為主，稍後還會拍攝一部有關慈善的戒毒電影。收起性感轉走傻大姐形象的她，強調並非為洗底：「底洗唔到，亦冇需要，都有人欣賞過。（男友呢？）佢知我係組合Freeze出身。」談及當年Freeze走性感路線，她說：「身不由己，但唔係咩壞事，唔係偷又唔係搶！」
與圈外男友處於熱戀期的她，為力保男友而堅持愛得低調：「女人好難愛情、事業都得意，有人講過女人搵到個好老公，即係等如搵到份好工。」拍過幾次拖的她從未想過結婚，但現在心態有變：「依家好想聽日就嫁，曾經有人講過，當真命天子出現時，你就會想結婚，依家我終於明白喇！」
甄詠珊拆彈後「從良」，不再走性感路線。
甄詠珊自信已找到真命天子，隨時嫁人。