神獸黃梓柔更年期「吹脹」
19歲神獸天使「珍豬仔」黃梓柔(Rachel)性格開朗活潑,自嘲愛吃愛睡兼肥嘟嘟似豬仔,但隨着夏日殺到,她終於要展開減肥計劃!她說:「之前要考試,唔食嘢會冇精神,依家開始跑步同食番清淡啲。(不嬲都肥嘟嘟?)唔係o架!以前好瘦得九十幾磅,但呢兩年突然勁吸收,朋友冇見我一排都問我做咩脹咗咁多,可能過咗青春期,踏入更年期。」
問到最想減哪個部位?Rachel笑言肚腩、大髀及Pat Pat都要減:「即係全身都要!(減幾多?)希望減15磅!」她表示最辛苦是戒口,要與最愛的甜品「割席」!