趙彤爆潘瑋柏主動握手

由模特兒轉戰電視圈及主持界的台灣藝人趙彤,早前來港拍攝亞視劇集《親密損友》,並笑言在港拍劇感覺像公主:「PA會幫我準備所有食嘅同着嘅,而且每日午飯之後,仲可以喺廠入面嘅床午睡到夠為止!」至於在台灣的拍劇生活,趙彤坦言難過得多:「我哋除咗要自己記住邊場戲着邊件衫外,全部首飾同衫褲鞋襪都係私伙,就算拍民初戲,都一樣要自己準備戲服!如果新入劇組,一定要同所有『師』字輩萬歲,除咗記實佢哋鍾意嘅食物,食唔食煙同食唔食檳榔都要記實,買漏或買錯一樣都死火。」

談到眾多合作對手,趙彤笑言暫時認為潘瑋柏最好人:「嗰時我第一次拍劇,冇人同我講嘢,我就戇居居坐喺度。當時已經好紅嘅佢,就主動行埋嚟同我握手,又同我Yo。」

趙彤大讚潘瑋柏好人又親切。