基仔激將法叫Joey捐500萬

容祖兒、古巨基及成龍三位巨星聯手為奧比斯籌款，幫助失明人士重見光明，並陪同英皇老闆楊受成出席支票捐贈活動，提到捐款數字，Joey及基仔更針鋒相對！

成龍昨日與容祖兒（Joey）及古巨基一同獲委任為「奧比斯領航先鋒」，希望吸引外界關注奧比斯的救盲行動，3位大使在英皇集團主席楊受成帶領下，出席昨日舉行的支票頒贈儀式。基仔表示曾以大使身份，跟隨奧比斯於飛機醫院上親身見證眼科手術，感受特別深刻，而Joey亦自覺得到上天眷顧，生命中一切都不缺，故一直竭力幫助有需要的人。

問到會否自掏腰包捐款？Joey說：「老闆話集團捐咗500萬，叫我捐500蚊就得，哼！咁睇小我！」在旁的基仔插嘴：「咁你捐500萬囉！」Joey聞言即笑着還擊：「咁又唔得，如果我捐咗500萬，你捐幾多？」兩人互寸後相望並爆笑，令現場氣氛更輕鬆愉快。

成龍等祖名養

日內起程到甘肅作親善探訪的成龍表示，親善工作接踵而來，應接不暇之下要兒子房祖名出手相助。對於祖名近日接拍動作片，他笑說：「佢依家知老竇拍到斷手斷腳咁養大佢，所以依家我等佢養。」又指祖名當年第一次賺到錢時曾送他一張附屬卡：「但係佢同我講最好唔好用，所以張卡我都係放咗入保險箱未用過，應該過咗期！」此外，祖名早前被指有新o靚模女友，成龍表示不清楚，但希望兒子的對象能似他的媽媽。