陳慧琳呻老公玩仔唔湊仔
樂壇天后陳慧琳（Kelly）昨日大爆大仔「蝦餃仔」劉昇變成一家之主，自覺「咩都識」，問到他有否照顧弟弟「小龍包」？她說：「望吓囉！唔敢抱，知唔夠力。」她稱正教「蝦餃仔」如廁。她又表示湊仔令她不能放鬆，開始影響工作：「個心畀咗佢，唔想Miss佢哋任何嘢。（老公幫手湊？）玩就得！要Take Care就唔得啦！」提到弟弟陳司翰又被拍得夜蒲，更指她開始對弟弟失望。她力撐弟弟：「佢嗰日生日食飯，唔使特別講。（佢掛住玩冇探『小龍包』？）有送禮，有一家人食飯。」至於弟弟被指頻換女伴，她指弟弟單身自然要識女仔。
