MV勾起二戰哀痛 克勤道歉補鑊
李克勤與黃婉曼昨日出席《麥當勞 x now TV-2012歐國盃Double Kick off記者會》，「無綫契仔」克勤興奮地說：「今屆有四場賽事同TVB聯播，係好友好嘅情況下做，好期待。（《決戰草原》MV轟炸歐洲畫面勾起二戰傷痛？）成個創作團隊包括now都冇諗過會咁，個MV用漫畫娛樂手法表達，歐洲有幾十萬點擊，若有任何人唔開心，我表示歉意！首歌部分用咗蘇聯軍歌嘅曲，但冇用詞，我唔識蘇聯文，唔知同波蘭戰爭有關。國際足協都有聯絡now，已經重新剪過個MV，係我哋疏忽咗，希望波蘭人息怒！」
克勤承認有錯，希望平息風波！
穿短褲仔的黃婉曼起腳踢波，動作誇張。