陳嘉桓遊巴黎興奮
藝人杜宇航、陳嘉桓（Rose）和陳嘉容（Eunis）獲LPG品牌贊助到康城行紅地氈，三人於康城時間昨日飛抵當地，談到早前巴黎之行，Rose大表興奮：「去咗鐵塔同羅浮宮，好得意！」但她表示沒有趁機大出血：「有相機就得，影到靚嘢已經值回票價！」她又指稍後會跟隨大隊返港。而師兄杜宇航至今仍為紅地氈戰衣頭痛，他說：「可能好似成龍咁着唐裝。」
至於Eunis則預告會在紅地氈上挑戰性感極限，她笑說：「我都差啲過唔到自己嗰關，但諗起有啲嘢後生唔做，老咗冇得做，就決定豁出去！」她又默認稍後轉飛布拉格拍攝寫真時會有超大膽「演出」。
陳嘉容（左起）、杜宇航和陳嘉桓，齊齊吃雪糕鬆一鬆。
陳嘉容（左起）、陳嘉桓和杜宇航，在康城電影節海報前留影。