諸葛開心舞闖樂壇撼法拉

諸葛紫岐與跳舞組合HotCha前晚出席頒獎典禮，諸葛自言不及HotCha年輕，難以一起熱舞，希望跳開心舞、唱開心歌進軍樂壇，與打算出碟的法拉爭長短！

諸葛紫岐（Marie）前晚與公司旗下的組合HotCha成員Crystal及Winkie到電視城擔任頒獎嘉賓，身為老闆娘的她親自為Crystal及Winkie挑選靚衫，問到Marie會否加入HotCha？她笑說：「佢兩個咁後生，唔好啦！我都就嚟30歲！」說到興起更手舞足蹈地說：「等我返去同老公（薛嘉麟）建議吓，或者佢兩個跳舞時我喺隔籬Yeah Yeah啦！」

Marie還透露有意進軍樂壇：「等公司安排。（同法拉打對台？）等公司安排！（以咩造型出碟？）想唱開心歌同埋跳開心舞！（你知咩叫開心舞？）唔知喎！夏威夷嗰啲囉！」Crystal聽罷偷笑，記者叫她解釋開心舞，她說：「即係開心囉！自由奔放嗰啲！」

另外，Crystal及Winkie昨日接受電台訪問時透露，近期工作忙碌，問到會否覺得被唱片公司用到盡？她們說：「好鍾意咁充實！」

拉姑靠霆鋒搵食

而同場的狄波拉（拉姑）與一名泰國菜館老闆上台領獎，她說：「好多人奇怪我點解會出席，以為霆鋒進軍飲食界，第日你哋就知！」她事後笑指自己是該菜館在港開業的「媒人」，但沒有股份，問到霆鋒會否有意入股？她說：「佢依家咁鍾意煮飯！不過租金貴。（佢賺咁多！）都好o架！我都有得食！」