江若琳與師妹林司敏等昨日出席adidas活動，並即場表演瑜伽動作。熱愛運動的她經常游泳練氣，問到會否穿比堅尼？她笑說：「我淨係會着一件頭，好低調。去泳池仲會戴泳帽，因唔想畀人認得，就算喺更衣室都會戴住泳鏡。」但若跟朋友到沙灘玩樂，會以三點式上陣。而林司敏自爆從未穿過比堅尼：「我好大頭蝦，游游吓可能會唔見咗（上衣）！中學嗰時好興拉人Bra帶，我成日畀人拉咗都唔知！（走光？）咁又冇，有件Tee頂住。」
江若琳透露自小學體操，筋骨柔軟，可做出不少高難度動作。
