轉口風認與劉定成相識 羅仲謙：警方要求保密
近日捲入男星裸照事件的羅仲謙，雖曾稱不認識劉定成但昨日轉口風，他解釋：「係有圈外朋友介紹我哋識！（點解之前唔認？）因為我曾經接觸過警方，警方要求保密！（依家又認？）近排發生太多嘢要講清楚！」但他強調冇為對方拍裸照：「半裸相影過好多，但只係為拍廣告，從未影過全裸照。（佢評論你下體？）唔清楚！（有冇合照？）有着衫同劉生合照。（會唔會追究？）已交公司處理。」至於電影《美少年之戀》主角吳彥祖和馮德倫，昨日在微博搞笑，他們分別上載對方赤膊相還留言「有裸照證據」，同片的尹子維昨日出席活動時亦說：「我冇影艷照，都唔知點解被拖落水！」
而被劉定成視為頭號目標的王浩信（Vincent）接受本報訪問說：「初次見面覺得佢幾Nice，但冇同佢出過街及任何接觸。」
羅仲謙轉口風表示認識劉定成。
尹子維出席活動時表示「冇影艷照」。