李晉強：會大叫唔好 高海寧：唔畀人借醉行兇

娛圈驚爆男藝人拍攝踩界照及有無綫女藝人捲入風化案！由於不少矛頭直指無綫藝人，無綫擬向旗下藝人發出指引，勸喻他們接洽與照片有關工作時需提高警覺及提防花言巧語。應屆港男李晉強更揚言已自設底線及向不恰當的工作Say No，高海寧則表示不會讓人借醉行兇。

近期娛圈連環驚爆男女藝人風化事件，無綫為保聲譽及保護旗下藝人免再受傷害，準備向旗下藝人尤其有潛力及欠缺經驗的後起之秀發出內部指引，提點藝人遇到有人要求拍攝任何照片時，均需提高警覺及提防花言巧語，若有人自稱可介紹高層或可提供演出機會，藝人更應謹慎處理，並第一時間向公司匯報。無綫亦強調藝人應多加檢點，除不應在公眾場所飲酒外，亦應小心處理與陌生人的相處。

樂瞳不與男性飲酒

其實不少藝人加入無綫前均曾從事模特兒工作，像應屆港男李晉強及前港男翟威廉等，但他們均不擔心遭人翻舊帳，其中李晉強便表示會設底線自我保護：「我當年影嘅相最激都係底衫短褲，反而參選香港先生時着泳褲仲激！他更指遇到問題時會大叫『唔好』保護自己，雖然我廣東話唔好，有問題或遇到唔想做嘅嘢我識得講唔好！」他又指有困難會找經理人商量，亦從來不會私下接Job。無綫小花高海寧則表示除找經理人陪同出席大小場合外，亦不會隨便飲酒：「冇試過有人逼我飲酒，所以唔會畀人借醉行兇。」而樂瞳表示只會與父母或較熟的朋友小飲怡情：「我連單獨同男人傾偈都唔會，何況飲酒！」

翟威廉讚把關嚴

至於曾在日本任模特兒並拍攝泳褲照的翟威廉，亦不擔心遭人利用：「形象好就冇問題！」他又大讚無綫在替藝人接洽工作方面把關嚴謹，並謂遇到問題會即時向公司匯報：「我好彩，冇遇過人用花言巧語氹我。」而同樣被無綫力捧的陳智燊，則大讚無綫經理人向來照顧周到：「我覺得公司呢個新措施好窩心，我冇乜點試過遇到有問題嘅工作，當然我自己都會提高警惕。」

憑《On Call 36小時》為人熟悉的魏焌皓透露入行前雖曾半裸上身拍攝廣告，但亦不擔心被翻舊帳：「就算除衫Casting，我都堅持着短褲，我接受唔到三角褲！」曾傳涉刑事案的梁烈唯則認同藝人在公眾場合應加以檢點：「雖然嗰件事唔係事實，但令我更加警惕自己喺公眾場合要注意言行。」

無綫外事部副總監曾醒明昨日承認無綫內部將向旗下合約藝人發出溫馨提示，特別針對新人，指不要受物質引誘而誤中陷阱。他說：「外間太多物質引誘，無綫就呢種風氣問題，向旗下藝人勸喻，希望大家正視紀律問題，（只保護經理人合約藝人？）藝人係無綫資產，冇分你我。」