陳豪新劇血腥惹投訴

《天與地》監製戚其義及編審周旭明的新作、鄭少秋、陳豪及陳茵媺主演的劇集《心戰》前晚首播，故事開首即有殺人情節，邵美琪被斬斷左手，兇徒徐榮則在她面前以刀插頸自殺，鏡頭雖未算血腥但意識踩界，徐榮在劇中表示左手代表邪惡才斬，言論嚇窒家庭觀眾！通訊事務管理局共收到24宗投訴指劇集恐怖血腥令人不安，有網友狂踩「悶」及「垃圾」，但亦有人讚有深度，而首集收視平均28點、最高30點。

對此，周旭明直言拍劇並非服侍觀眾，更寸嘴說：「其實香港都有好多低智劇，唔想觀眾大腦麻痹！」對於劇集被指血腥，他指畫面已經過處理，絕對符合電視尺度，TVB亦冇刪剪，他又澄清劇集沒有食人情節，但本周有陳豪殺人的劇情。

對於斬手情節被指血腥，鄭少秋說：「其實斬手只係情節嚟！冇見到血嘅，不過，都要啲家長提一提小朋友，因為始終都有一啲血腥。（點睇編劇為破格不惜踩界？）如果只限定大家睇主流劇，始終會流失觀眾，創作多啲劇種係一件好事。」早前秋官曾反「丁蟹效應」，指其新劇啟播股市應會上升，結果如他所言，前晚首播後股市已回升。