JC唔玩Long D 撳住戀火

久未在港露面的模特兒Jessica C.，再次拋出「警鐘胸」迎接夏日，她自爆於洛杉磯戀上俊男，但因有苦衷而狠心抑壓情感，堅拒展開戀情。

因「警鐘胸」而為人熟悉的Jessica C.（JC），昨日偕落選港姐蔡慧欣、華姐張慧雯及韓模崔豪進（Jin）等為商場水着騷擔任模特兒，以多款泳裝上陣的他們吸引大批龍友拍照，逼爆現場。

JC穿上比堅尼後，招牌「警鐘胸」特別養眼，惟久未露面的她明顯發福不少。問到感情狀況，她自爆於洛杉磯愛上一名男子：「不過我決定今年要專注家庭同事業，加上唔想異地戀（Long D），所以我唔畀自己鍾意佢。（佢係模特兒？）唔係，不過好靚仔！（佢會嚟香港探你？）佢要做嘢，不過我希望佢會！」她又大讚首次合作的Jin可愛又友善，問到會否考慮與Jin拍拖？她說：「我唔想再同模特兒拍拖，唔想返屋企都好似做緊嘢咁。」剛剛榮升姨媽的她又稱日前已回家鄉芝加哥，探望妹妹的初生女兒。

蔡慧欣勁搶鏡

擁有32D上圍的蔡慧欣亦相當搶鏡，問到會否考慮行內衣騷？她說：「我唔夠膽，今次已經係我嘅性感底線。」而身材明顯較為遜色的張慧雯，被問到會否怕被比下去？她死撐說：「每個人身材唔同，最緊要健康，我好滿意自己身形！」