無綫藝人李亞男昨日與李詩韻出席婚紗展並行Catwalk，亞男揚言不恨嫁：「你睇我着住晚裝，唔係婚紗，就知我唔係咁恨嫁，我同王祖藍有共識，工作為重。（見晒家長？）都要再過兩、三年先諗（結婚），拍拖比較甜蜜，我好享受呢段時間。」
至於李詩韻則呼冤：「啲報道成日話我有男友，好影響我，搞到人哋唔敢追我，我強調我呢刻100%單身，冇男朋友，我嘅擇偶條件係要對方孝順、上進、錫我、心地好、生得高、叻過我，我接受追求(o架)！」
李亞男（左）與李詩韻出席婚紗展客串行Catwalk。
