城城落閘唔講Lynn
郭富城前晚出席新片《浮城》首映，對於緋聞女友熊黛林（Lynn）稱因默認收了三卡鑽戒而遭人痛罵，城城說：「講番電影。（Lynn話好冤枉？）佢好似澄清咗，唔講，好悶！（你送三卡鑽戒？唔畀佢高調？）問番工作！（Lynn想帶爸爸睇《浮城》？）唔回應。（Lynn讚你好男仔？）多謝！」同場的楊采妮稱首部執導的作品《聖誕玫瑰》拍攝順利。此外，經理人Kim昨日戥Lynn不值：「Lynn冇做雜誌訪問，傳聞唔係事實，有證據先講。（城城要Lynn大騷先接？）阿Lynn依家工作好差咩？」對於有傳城城下月秘婚而激嬲經理人小美，對此小美說：「不是事實的報道不回應了。」Lynn至截稿前未有回覆。
劉心悠（左起）、城城和楊采妮出席新片首映。