學友教女勿夜蒲飲酒

兩女之父的歌神張學友，對於最近圈中爆發的風化案，他坦言已開始擔心女兒，會教導她們不要飲酒、不要夜蒲，懂得保護自己。

張學友的《1/2世紀巡迴演唱會》香港終站昨晚在亞洲博覽館揭幕，學友開騷前出席其個唱拜神儀式，穿上運動服裝的他，拜神時除下鴨舌帽，頭頂紮了一條辮仔。

學友坦言為巡唱即將完結而感不捨，問到是否計劃下一次演出？他說：「邊有咁快？要做好多準備工夫，度嘢都係休息。」

過去年多，學友經常出埠巡唱，問到12歲和7歲的女兒可會想念他？他說：「未必，見少啲會珍惜多啲。」提到圈中最近的風化案，問他可會教女兒小心保護自己？學友表示會教女兒不飲酒，以及不要出夜街，又坦言已開始擔心女兒：「呢個係過程，所有老竇都擔心，而且唔可以Set規條，要就時代唔同因應改變。（嫌你煩？）工作嚟嘅，會解釋畀佢哋聽。」他笑言生女前曾作研究：「遲婚多數生女，未生女嗰陣有研究，好多謠傳講到真嘅一樣，生女好玩，但佢大個就擔心。」

細女自爆有男友

學友坦言最想留意女兒有否識男仔：「要睇我外交手腕點樣，要同佢哋做到『朋友』先得，佢當你係Daddy就會有隱瞞，要令佢覺得我唔係管佢。」他笑言細女曾跟他說有男朋友。

此外，其經理人陳淑芬表示，學友巡唱由第四場開始，每場會加推400張近舞台但部分視線受阻的座位，門票昨日已開售。