待嫁熊黛林捱鬧 受壓封嘴

名模熊黛林默認收城城婚戒後又反口，前晚出席活動時已不敢戴該鑽戒，揚言怕被誤解，又稱「有人」痛罵她博上位，令她被問婚期時感恐懼！

熊黛林（Lynn）早前默認收下男友郭富城的3卡鑽戒後，卻在微博反口！前晚她出席活動時沒有戴該鑽戒，並解釋：「有啲嘢我唔想太高調，唔想人哋寫乜我都回應，有啲嘢太無聊、太誇張！依家講結婚同戒指都嚇親，好恐懼！」

「啲說話幾難聽」

問到城城是否送上3卡鑽戒？Lynn說：「呢啲唔答喇！我點講都唔會正面，出面有人話我咁高調，其實我乜都冇講，記者問我就禮貌答。（有人畀說話你聽？）總之有人啦！我都唔想成日喺人面前講呢啲，有啲人睇完唔知發生咩事，唔知我答咩，淨係接受自己想知嘅答案，我都幾冤枉，因為啲說話都幾難聽！」她表示父親健康情況OK，還讚城城是好男仔有慰問父親，並透露會帶爸爸欣賞城城主演的電影《浮城》。

同場的Angelababy表示，會趁低吸納名畫作投資，大讚男友黃曉明懂得欣賞藝術品，問到有否向曉明請教投資心得？她表示二人各自投資：「女仔鍾意買珠寶，男仔鍾意藝術品。（會唔會管佢唔好買車？）唔敢！」

而穿露膊裝赴會的諸葛紫岐，接受節目訪問時表示已習慣被叫「薛太」，對於丈夫薛嘉麟希望她婚後不要太性感，她說：「依家工作前會將啲衫攞畀佢過目，其實佢接唔接受我都會着，但咁做會令佢覺得受尊重，係愛嘅表現！」