港姐馬賽和港男翟威廉，在無綫古裝劇《耀舞長安》中首次扮演情侶，不過他們絕無尷尬，在無綫屬同一經理人，故私下非常要好，拍攝期間亦具默契！
馬賽大讚威廉是個細心的人，她說：「有場戲我要跳入去加咗消毒藥水嘅死水溫泉，當我要浸入去嗰陣，已經好想咳，當威廉抱起我嘅時候，都專登將我避一避鏡頭，如果唔係就要重拍多次！」
而威廉在劇中扮演貪靚的形象顧問，對於現實中完全不貪靚的他實在是一大挑戰：「我鍾意打波、打功夫，對外表都唔係好理，不過鑑於做嘢就要化妝，但其實平時行街就好少！」
馬賽與翟威廉在劇中有感情線，為了吸引他的注意，馬賽搞出不少烏龍事！
