楊玉梅10年前 郵輪登台險被姦
就日前無綫23歲女藝員報稱被醉姦的風化案，最近為食品拍廣告的楊玉梅亦自爆十多年前險被姦的遭遇。她表示險姦她的男藝人當年邀她到新加坡郵輪登台：「佢同我男友相熟，所以我未有請女助手同行，當時男藝人話請我一齊去新加坡郵輪登台三晚，第一晚演出後，佢就跟我返房話想傾偈，初時我唔為意，但之後佢企圖對我不軌，將我推落床！當時我好反感同驚，仲用盡全身嘅力推開佢，仲將佢趕出房。」但玉梅指該男藝人事後仍繼續騷擾她：「因為郵輪已出海，我冇辦法即刻離開，只可以等三晚旅程完結後先落船。後來第二晚演出，佢再尾隨我返房，但我用力阻止佢入嚟，更大聲喝退佢；等到第三晚演出後，我已唔敢返房，藉故留喺餐廳避佢。但呢個男藝人繼續跟住我，話要陪我傾偈，我立即拒絕，佢即黑面同反面！」
楊玉梅自爆當年登台，險被男藝人強姦。