鍾嘉欣追陳智燊 玩三角戀

陳智燊「升呢」擔正劇集男主角，更與師姐鍾嘉欣及林夏薇譜三角戀。鍾嘉欣坦言劇中主動追求陳智燊，更是大輸家，但暫未有咀戲。

鍾嘉欣、陳智燊（Jason）和林夏薇昨日出席新劇《幸福摩天輪》的造型活動。經常做主持的Jason被公司力捧，「升呢」擔任該劇男主角，更有「師姐」鍾嘉欣傍住，與林夏薇大玩三角戀。Jason昨日坦言如升班般，緊張又期待：「好開心！要做好啲，自己亦Enjoy整個過程。」鍾嘉欣則大讚Jason，指劇中的陽光男孩角色很適合對方，被問到會否睇住Jason？她笑說：「大家都會畀心機，每一個人都有做新人嘅時候，Jason做司儀經驗豐富，講對白都好清晰。（帶住兩位師弟妹？）唔係呀！其實我好細o架啫！今次大家好多都係第一次合作，好有新鮮感。（同Jason有冇咀戲？）暫時唔會有，我喺劇中係輸家，要主動追Jason。」

江若琳被掃波邊

此外，提到無綫女藝員在錄音室疑被侵犯，嘉欣坦言之前綵排《勁歌金曲》曾往上址。而最近無辜被捲入涉風化案的梁烈唯則說：「之前我出嚟澄清，好多巿民都以為公司幫我禁住成件事（風化事件），仲有掩口費。今次呢單女藝人風化案就可以畀人睇到，如果真係發生，港聞版係會報道，警察公共關係科係會有人發言嘅，我終於沉冤得雪，希望個女仔可以討回公道。」

另一邊廂，江若琳昨日出席活動時，自爆曾在派對遇上醉酒男對她掃背兼掃波邊，她醒目即時離開！對於涉發生醉姦案的Studio，她表示曾往錄音，亦試過與涉案人合照，但不認識對方。