戥男星唔抵 Jeana:望大步檻過
男藝人捲入裸照風波引起全城討論，以往大多是流出女藝人裸照，如今角色掉轉，不少女星都加入這城中熱話，寸嘴胸模何佩瑜（Jeana）昨日接受訪問時說：「依家啲相仲未流出市面，即係冇嘢睇啦！睇吓啲相有幾激先講！不過真係戥佢哋（指裸照男星）慘，希望佢哋可以大步檻過！」
至於周秀娜亦極表關注：「冇影過又何須自危呢？如果呢啲係工作一部分，自己影之前就已經知，用一個專業角度去睇又何須驚慌？不過我多多錢都唔會影裸照，當然亦唔會叫男友影啦！」而莊思敏則說：「我覺得冇乜嘢！影得出就畀得人睇，有冇影過自己知！如果有閃卡我都會望吓！唔只男藝人，每個藝人都要檢點私生活，唔好以為做過嘅嘢冇人知，人在做天在看！」
Jeana希望同行愛惜自己，小心言行。（資料圖片）