Lynn認收城城鑽戒
名模熊黛林（Lynn）昨日與林峯、鄭中基等出席電影《男人如衣服》開鏡禮，Lynn否認下月嫁郭富城（城城）：「唔係今年！（下年？）要問佢，我今年唔會！（城城求咗婚未？）結婚一定講！」對於有指城城送上3卡鑽戒，她說：「你哋又知3卡？（城城送？）係呀！（鍾意？）佢送咩都好啦！（收咗婚戒？）嫁得出一定講！未到最後一日都唔知，有咩變化唔知點算！」她不會因某些因素而提早結婚，並說：「祝我快啲搵到屬於自己件衫，舒服可以着一世㗎！」而林峯獲Lynn送上一包紙內褲後說：「我本身大汗，試過着到得番3條橡筋！」另一邊廂，城城近日接受訪問時表示，拍攝《浮城》時體會到珍惜身邊所有人，似向Lynn有所表示。
Lynn送上紙Under給林峯，未知城城可會呷醋呢？