Fiona自嘲冇料性感唔起
歌手薛凱琪（Fiona）昨日為7月的紅館處女個唱舉行記者會，身穿吊帶露背長裙的她盡騷骨感美，門票昨晨公開發售，180分鐘即售罄，令她開心又感動！問到會否加場？她慨嘆：「紅館檔期好爆，唔知加唔加到，或者開Part 2啦！」她表示網上已有炒飛出現，$280及$180的門票被炒高至2、3倍價錢。
今次個唱，Fiona邀得多位大師級人馬合作，服飾則由Tomas為她度身訂造：「佢做嘅衫好奇怪，好似海報嘅泡泡浴裝，着到我成個藝術品咁！（玩性感？）性感唔係我路線，要有咁嘅身材先行嗰種路線，有意外都有嘢畀人睇，我冇嘢畀人睇，盞嚇親觀眾！」
Fiona與工作人員預祝個唱成功。
Fiona出動雪糕車及玉背宣傳個唱，希望有好成績。