趙碩之撻着富商未諗閃婚
咪神趙碩之（Wylie）日前被拍得與珠寶鐘錶富商Danny在夜店喪啜，Wylie昨日接受本報訪問時甜笑承認拍拖，她表示Danny是朋友的表哥，與他相識約半年。問到喜歡對方甚麼？她說：「我鍾意佢年紀大過我，我喺佢身上學到好多人生道理，可以學做生意，同佢亦有共同興趣，好似鍾意潛水、玩Bungy Jump（笨豬跳）咁。（唔怕畀人話你拜金咩？）唔會！我同之前嘅侍應男友都拍咗拖四年，如果我拜金就唔會咁專一啦！（會唔會閃婚？）一定唔會！會慢慢了解吓先。」對於當晚癡纏喪啜，她說：「我哋飲多咗兩杯先會咁，睇番條片真係驚到爆，朋友睇完講笑叫佢送錶補償。」
