譚詠麟杜麗莎現袋褲鬥高峰裝

譚詠麟（阿倫）和杜麗莎將舉行紅館演唱會，兩位唱得之人先在記者會「格劍」比試實力，而阿倫為迎戰性感打扮的杜麗莎，目前已積極收身，考慮谷行腳肌着「現袋褲」搶鏡！

阿倫、杜麗莎（Teresa）將於7月20至23日舉行《譚詠麟　杜麗莎Time After Time演唱會》，首次合作開騷。昨日在記者會上得到贊助商送名錶及寓意雙劍合璧的「寶劍」，兩人隨即拿起「架生」作比武狀搞氣氛。

以素食減肥的Teresa，其低胸裝相當養眼，問到演唱會可會更性感？Teresa看見阿倫搞鬼地𥄫一𥄫其高「峰」，即嗤之以鼻指打扮屬「小兒科」，年輕時愛穿緊身衫出騷，阿倫聞言即指男人都有貼身現「袋」褲，問到可會試穿搶風頭？他笑說：「諗諗啦！我隻腳谷起上嚟都好實。」他又自誇得天獨厚，只要節食2、3日就會變瘦，有信心弗爆開騷：「有身材嘅有身材，冇肚腩嘅冇肚腩。」

「全家」齊賀母親節

昨日是母親節，阿倫前晚已和母親及家人預祝，問到可有其他「家人」（紅顏知己Wendy及兒子曉風）出席？他聲稱所有「有關人士」都在場。他又取笑好友曾志偉發噏風惹禍：「佢飲咗酒周圍同人講關淑怡個仔係佢嘅，搞到滿城風雨！」