舒淇畀阿媽屈禮物

舒淇與任賢齊昨日出席步行活動,舒淇透露母親在台灣,未能與她同賀母親節,又表示經常被媽媽屈禮物:「佢屈我好多禮物,有時見我嘅保養品會話幾好,乜都話好,我會叫佢攞去,最好笑係有次我着住件衫媽咪話鍾意,之後就見佢着住,不過就撐大咗!最後我都送埋畀媽咪。」至於小齊則表示會送上鮮花給另一半Tina慶祝母親節,囝囝也送上畫作。

舒淇與小齊出席活動,暢談過母親節經歷。