莫文蔚生日冇老公陪
莫文蔚、李連杰、胡敏珊與梁慧恩等，前日為《仁人家園Youth BUILD青年領袖建屋之旅》遠赴廣州小鎮，戴上安全帽及勞工手套砌磚起屋。特地由英國趕回來的Karen，雞手鴨腳地將紅毛泥塗上磚頭，不慎弄髒褲子及鞋履，她表示將留港兩個多月拍攝新片《太極俠》，並說：「婚後第一次同老公分開咁耐，兩個人嘅生日都唔可以一齊過。」
而李連杰則透露女兒一向有行善習慣：「佢去過內地做英文老師同去非洲探訪，我仲見過佢喺電腦前面努力做功課，原來佢每答啱一題，電腦都有記載，就會幫到非洲一個人有一口米。」
莫文蔚落手落腳起屋，熱到大汗疊細汗。（謝國華廣州傳真圖片）
李連杰教導女兒自小養成行善習慣。（謝國華廣州傳真圖片）