城城潑Lynn冷水 未係家人

郭富城與熊黛林拍拖已是公開的秘密，惟城城卻甚為飄忽，對這位「熊顏」更是「鍾意就提」。昨日母親節，他表明不會帶對方與媽咪慶祝，未知女友聽到會否不是味兒？

郭富城、楊采妮（Charlie）、鄭家星與導演嚴浩昨日在apm商場宣傳新片《浮城》，心情大好的城城全程Natural High，一時整蠱玩遊戲的觀眾，一時大講戲中的蜑家話，又讚曬黑了的Charlie靚女，氹得她哈哈大笑！

城城事後表示為配合母親節才特別搞氣氛，雖然他早已送上母親節禮物，但晚上仍會與家人及媽咪食中餐慶祝，問到熊黛林（Lynn）是否座上客，他笑說：「你講咩Lynn先？唔會啦！我係同自己屋企人食，冇其他朋友。（Lynn唔係自己人？）我屋企成十幾人，其他嘢唔講！」此外，他透露戲中用洗衫板洗衫的戲份，是模仿媽咪的手勢。

楊采妮被母拒絕

至於為角色游泳及曬燈的Charlie表示，因忙於拍戲而連續開工廿多小時，未有休息，本來她打算晚上與媽咪慶祝，但媽咪不忍她勞累而推卻：「媽咪今朝一聽電話，就話今晚唔同我食飯，叫我返去瞓覺，真係好好！呢行工作時間唔定，好多時陪佢唔到，但我估唔到媽咪會咁講囉！」