朱玲玲親證 啟剛娶晶晶

霍英東長孫霍啟剛與中國「跳水公主」郭晶晶婚訊傳足多年，霍家這杯新抱茶等到頸都長，但剛晶終修成正果，更由「準奶奶」朱玲玲親證二人將於今年拉埋天窗。據知，剛晶正物色可筵開300席的婚宴場地，於9月中舉行中港矚目的超級世紀婚禮！文：專案組

已故全國政協副主席霍英東的長孫霍啟剛自2004年與國寶郭晶晶撻着後，屢傳婚訊，惜喜事始終未得到證實。直至前晚，啟剛母親朱玲玲終禁不住喜悅心情，親口證實今年娶新抱！

擺酒簽字分兩日

據知，剛晶的世紀婚禮單是酒席已需花費逾千萬港元，為充分準備喜事，32歲的啟剛與30歲的晶晶一直秘密籌辦。而前晚朱玲玲出席《2012慧妍雅集30周年慈善晚會》，被問到剛晶是否十月結婚時，她一改以往守口如瓶的態度，只笑到見牙唔見眼地說：「係呀！月份就由佢哋講，係今年內，唔係乜嘢秘密，出帖會有消息！」

國寶嫁入豪門，定必是世紀婚禮，朱玲玲卻謙恭地說：「冇啦！好普通，等佢自己宣布好啲！」問到婚禮傳統式抑或是從簡？她說：「冇乜點，香港得幾個地點，冇乜誇張！」她表示婚禮應該不會搞兩日，但亦有可能將簽字及擺酒分開，免得「太緊張」。

霍震霆祝Happy

談到做奶奶心情，朱玲玲說：「其實唔係好識，始終係第一個仔結婚，都幾多嘢諗，今年去咗好多朋友嘅婚宴，會順便留意吓！」她強調不會催抱孫。至於有何家規要晶晶遵守？向來開通的她說：「依家係摩登家庭，冇乜嘢可教，不過佢係好傳統嘅女仔！（送家傳之寶畀晶晶？）要同爸爸（霍震霆）商量吓，我有三個仔，諗吓點樣公平啲。」至於會否在北京再設喜宴時，朱玲玲則表示要看晶晶父母的意願，並會由剛晶安排。

記者致電未來老爺霍震霆，對於朱玲玲親證婚訊，他說：「你哋今晚早啲食飯，祝Happy Mother's Day！」問有甚麼準備給剛晶及送上甚麼祝福？他說：「佢哋後生人有自己考慮，佢哋都有好多朋友祝福啦！」

會展亞博二選一

今次超級世紀婚宴，有傳剛晶會分別於香港及北京設宴，但據知他們於香港亞洲國際博覽館及灣仔會展二選一後，因前者場地能筵開300席，故選於9月14日在亞博舉行，並已落300萬元酒席訂金，但因霍家長輩嫌未夠體面，寧願撻訂亦要聯絡新世界發展創辦人鄭裕彤出面，於9月14至16日期間「搶期」，誓奪會展檔期，趕及於「十．一」前擺婚宴。

此外，準新娘晶晶前日現身北京一間高爾夫球會，有網友拍照放上微博，讚她小巧又皮膚好。

郭晶晶

出生日期：1981年10月15日

學　　歷：曾修讀北京人民大學學士課程

曾奪獎項：

2004年雅典奧運女子單人3米彈板金牌及女子雙人3米彈板金牌

2008年北京奧運女子單人3米彈板金牌及女子雙人3米彈板金牌

退役年份：2011年1月22日

霍啟剛

出生日期：1979年7月2日

學　　歷：英國牛津大學經濟管理學學士

背　　景：已故全國政協副主席霍英東長孫及立法會議員霍震霆長子，家族身家估計最少300億港元。