拉姑睇心理醫生「死」過翻生

狄波拉（拉姑）昨日接受查小欣訪問，提到兒子謝霆鋒與張栢芝的復合傳聞，她說：「我答唔到，唔可以代表霆鋒或婷婷答問題，但我會支持仔女嘅決定！」她坦言早前曾想過死：「早一、兩年成日都話不如死，覺得自己幫唔到手，但依家想長命多一、兩年，因為仔女令我好溫暖！」她又自爆曾要看心理醫生：「都有食過吓藥，如果唔係依家抖到氣都唔會講。」並謂現時覺得不用再擔心仔女，拉姑聲音抖震地說：「我講唔係要扮偉大，而係同其他心痛嘅媽媽講有希望！」她還大讚老公鬍鬚Kong好人，更會配合謝家：「好似嚟緊嫲嫲生日，佢唔會去，淨係謝家去，大家識得走位。」

拉姑（右）接受查小欣訪問時表示，支持霆鋒任何決定。