鄧健泓「翻撻」李詩韻好開心
李詩韻與鄧健泓分手後首度合作！原本詩韻與高鈞賢在新劇《情越海岸線》中飾演情人，但由於高鈞賢腳傷要休養兩個多月，監製找來鄧健泓頂替，李詩韻與鄧健泓在劇中有感情線，造就首次「復合」！
鄧健泓承認接演角色：「有呢個機會好開心！（咀戲？）梗係冇！不過寫到嚟咪拍！（女友龔嘉欣介意？）佢好大方，會明白。（尷尬？）唔會！大家都係做嘢，平時聯絡都係因為要共同撫養隻狗。」不過，詩韻坦言感覺怪怪：「有少少想避忌，唔想佢女朋友唔舒服，不過私底下都唔會有啲乜。」至於高鈞賢正臥床養傷，他稱可以駁回腳筋，手術成功但要接受物理治療。
