陳敏之做女警 向祖莉偷師

陳敏之於新劇一嘗揸槍扮女警的滋味，為擺型甫，她狂煲荷里活女星安祖蓮娜祖莉的電影取經，不過向來對槍聲恐懼的她，自言要先克服此障礙！

文偉鴻首部監製的新劇《法網狙擊》近日開拍，該劇女主角陳敏之日前與港男何君誠於旺角拍攝一場跟蹤戲份，飾演便裝探員的敏之，被君誠箍頸突襲，由於敏之有舊患在身，故監製於拍攝前先與君誠溝通，以免再傷及敏之。

笑森美一舊腹肌

從小志願當女警的敏之，對今次一償所願大感興奮，她透露劇中有大量動作場面及連場槍戰，令她更期待。為做出型女姿態，她特地睇戲偷師，她說：「我狂煲安祖蓮娜祖莉（Angelina Jolie）套《史密夫決戰史密妻》（Mr. And Mrs. Smith），因為套劇有一場係好似入面槍戰嘅情景。（森美係畢彼特？）哈哈！都OK啦！佢為咗畀最靚嘅身形大家睇，成日唔食嘢，其實我覺得佢好瘦，不過練番失去咗嘅6舊腹肌就得啦！」

一向對槍聲、爆氣球聲及開香檳聲等恐懼的敏之，正為如何克服恐懼而煩惱，她說：「暫時都未拍到呢啲戲份，森美教我當正面前嗰個係仇人，唔好當係開槍就唔驚，所以我決定面對佢，鬼叫自己要型咩！」而非首度與敏之合作的君誠，則表示害怕埋身肉搏時弄傷對方舊患，幸而雙方有默契，敏之亦着他放心演，才令他壓力大減。