陳思思紅館騷獲成龍撐
內地歌手陳思思將於本月20日在紅館開騷，在圈中人緣甚廣的她，屆時會與好友成龍、林子祥及Twins等同台合唱，相當威水！思思表示今次成龍答應參與，令她最為感動：「我識咗成龍好多年，今次佢專誠度期擔任我嘉賓，真係好多謝佢！佢好好人、好支持我，真係好感動！（合唱咩歌？）我想保持神秘感，到時大家就會知！」
近日思思勤練廣東話，期望在個唱中大唱本地金曲，包括《獅子山下》：「呢首歌好代表香港，歌詞好有共鳴，依家我成日練呢首歌，希望發音更準！」早前在台灣及澳門開騷的她表示，台灣騷十分難忘：「因為場騷要經好多批文，搞到開騷前一星期先辦好，都幾緊張！台灣好多朋友支持我，粉絲亦好熱情，收到好多禮物！」
將在香港開騷的陳思思，近日積極練歌。
陳思思除了歌精，擺甫士亦甚耍家。