洪卓立行蠱惑拒做孱仔

洪卓立（Ken）經常予人「孱弱書生」感覺，Ken希望「搣甩」病態感，故在新碟《Grown Up》中作出改變，少扣兩粒恤衫鈕及在心口寫英文字，變身「蠱惑Ken」，有別於以往青靚白淨書生形象，他說：「形象對我嚟講唔係主打，反而歌曲好聽先最重要。不過我唔想外界將我斯文形象同病態掛鈎，亦唔想拍戲時角色只限於病人同斯文角色。」

擅長演繹抒情歌的Ken自稱「記性欠佳」，對感情事「拎得起、放得低」：「我唔會刻意諗番以前嘅嘢，過去咗就過去咗。（愛情觀？）有就有、冇就冇，隨緣啦！依家我變得更加顧家。」

Ken努力扭轉「孱仔」形象之餘，依然Keep住做好音樂。