小方代Stephy照顧「媽咪」
歌手方力申（小方）日前夥拍節目主持黎國輝擔任導師，教3位候選新演員參與電台青春劇特輯的拍攝工作，小方接拍電台劇已是多年前的事，現重回昔日崗位，他自爆當年雖然是新人，但有「天價」酬勞：「嗰時我5日都係得500蚊零用，但拍劇有800蚊酬勞，真係好滿意！（今次零酬勞？）唔緊要，我好鍾意拍電台劇！」
快將母親節，小方表示女友鄧麗欣（Stephy）要離港公幹，故屆時將代她請鄧母及自己的雙親食飯慶祝，問到與伯母相處可融洽？他說：「係呀！食過好多次飯，咁我哋又一齊住……唔係同居，咁一齊住喺香港嘛！為人子女，孝順父母係必然嘅事！」
小方仗義拍電台劇，難得他不介意。
小方（左）與候選演員演對手戲，相當用心。