Ar Yu誓證有胸有腦

組合冬甩成員Ar Yu（曾寶玲）最近與家人合資50萬元開樓上法式餐廳，希望除了做Model外亦可殺出血路！最近她不停試菜，面對靚靚海景更加開胃，她笑言為搞好生意，不介意變肥妹！

常言道身材與腦袋不能並存，但有少數胸模仍嘗試踩過界做生意，以證明自己有腦，擁有D Cup上圍的Ar Yu最近亦與親朋投資約50萬元，在銅鑼灣開設樓上法式餐廳，一於瞓身一博過老闆娘癮！問到年紀輕輕如何儲錢開舖？她說：「好大部分係屋企人負責，不過我都拎晒啲錢出嚟喇！好在咁多年來都好慳！」

自己做生招牌

Ar Yu為新店不停試菜，每日狂擦鵝肝、牛扒及羊架等美食，令食極唔肥的她亦增了幾磅：「我都幾為食，廚師整嘢超好味，搞到我食唔停口！（怕變肥？）近排真係重咗，不過為咗試菜冇計啦！（點解主攻法國菜？）銅鑼灣有好多食肆，所以想做得特色啲，而且襯番我哋有海景，比較浪漫！」她表示將倣效Angelababy用自己做生招牌，以個人肖像印製卡片、傳單及海報，希望吸引更多街坊幫襯，並自爆會經常落舖，呼籲粉絲支持。

另外，今年Ar Yu將重返「冬甩兵團」出寫真，出名火辣的她自然少不得噴血性感造型，因此不能太放肆狂吃，她說：「呢排要做番多啲運動，食方面就適可而止！」