柏豪有Fans撐輸波贏掌聲

籃球狂熱分子周柏豪昨晚應邀代表「橫洲工業」出戰學界籃球邀請賽，跟「DREAMLEAGUE ALL-STARS（DLAS）」對戰，柏豪獲大批女學生打氣，愈戰愈勇！

昨日假灣仔修頓室內場館舉行的《Panasonic學界籃球邀請賽2012》，由《東方日報》及《太陽報》擔任支持媒體，在10場賽事中，以「橫洲工業」對戰DLAS最為注目，橫洲工業派出柏豪領軍，吸引大批女學生打氣！

落場被Mark實

賽事在昨晚7時15分開始，歷時40分鐘，身穿8號球衣、以正選身份上陣的柏豪，舉手投足都成為現場焦點，4節賽事均有落場。柏豪在第1節已顯得進取，不停穿梭球場，惟DLAS隊員落力Mark實這位萬人迷，令柏豪難以助攻，射籃次數不多！

後來柏豪愈戰愈勇，在場內盡顯英姿，休息時亦專心地看戰況，以及飲水回氣。第4節落場時，柏豪成功入球，為隊伍爭得兩分，女粉絲掌聲如雷叫好，更為偶像拍下入球一刻！最終橫洲工業以31比47輸給DLAS，兩隊比賽第二、友誼第一，完場時握手互勉。

夏令營做推廣

柏豪在比賽前接受訪問，問到穿上「橫洲工業」球衣可會緊張？他說：「唔會，我當係玩，又唔係輸咗要退出籃球界！有得參加已經係光榮！」他更在雙膝貼上黑膠布護膝。另外，他表示橫洲工業將於暑假舉行夏令營，致力推廣籃球運動，並邀請全港中、小學學生參與：「呢排香港籃球界靜咗，想搞啲嘢搞起佢，最重要係年輕人做運動，好過喺街遊蕩！」