前港男白健恩（小白）向來擅長跳現代舞及演舞台劇，早前他有新突破，獲邀為泰國旅遊局及當地一間五星級酒店做旅遊節目主持，小白坦言相當擔心：「叫我跳舞就OK，叫我做主持就真係未試過！平時同陌生人講嘢我都面紅。」他透露這是個非一般的旅遊節目，其中一輯要學泰式按摩：「泰籍按摩師好搞笑，可能我皮膚曬得太黑，佢不停同我講泰文，以為我識聽，佢又教我速成按摩，我好快就上手，當我坐喺按摩院休息時，竟然有顧客要我幫佢按摩，全場人都大笑。」
皮膚黝黑的白健恩跟按摩師學兩招，竟被誤認是泰國人！
