關禮傑送百萬跑車氹老婆
關禮傑日前與太太及幼女到銅鑼灣逛街，女兒不時纏着爸爸，感情相當要好，一家三口入了名店購物，傑嫂專攻鞋款，拿着戰利品離開。其後，他們坐車到保時捷陳列室睇車，傑仔向店員詢問資料時，傑嫂則自行挑選車款，最後傑仔以百萬港元買下Panamera型號跑車，原來是送給太太牛一的「愛妻號」，日前二人更甜蜜地兜風。記者致電傑仔，他坦言每年都會與太太慶祝生日：「之前去咗泰國旅行，今年特別啲買咗架車畀佢，等佢開心吓，之前成日返內地拍劇，依家會抽多啲時間陪老婆同女。（補償？）唔好咁講，我都怕佢揸唔慣，之後佢就可以接我收工。」
