嘉穎嫌心悠唔啱胃口

因合作內地劇《步步驚心》而傳緋聞的鄭嘉穎與劉心悠，昨日以「情侶裝」宣傳，但要三催四請才合照，嘉穎更兜大圈暗指心悠並非他那杯茶。

緋聞男女鄭嘉穎與劉心悠昨日宣傳外購劇《步步驚心》，並不約而同穿上牛仔裝，心有靈犀！不過，二人顯得非常避忌，合照時企到離行離列，其後在記者要求下，嘉穎才輕搭心悠香肩。

談及以「情侶裝」上陣，心悠笑言只是款式流行：「冇避忌，只係我廣東話唔係咁叻啫！」而嘉穎亦對緋聞感奇怪，並指他倆在劇中沒有親熱戲，問到心悠是否他那杯茶，他說：「佢鍾意飲水，我鍾意飲可樂喎！（心悠咁靚女！）咁就係女朋友咩？（心動？）咪又係咁樣，係朋友、同事嘅感覺囉！」

無緣見冼灝英

此外，嘉穎前晚在無綫劇集《拳王》飯局上表示，本欲在席上與傳不和的冼灝英見面：「監製話佢冇鬧過我，應該係誤會，所以就算合照都唔尷尬。」惟冼師傅因有事在身而缺席。問到6舊腹肌是否還在，嘉穎說：「呢個年紀要Keep住好辛苦，如果拍續集就要預兩、三個月時間操，呢年幾都冇放過假，拍咗8部劇。（賺幾千萬？）唔可以咁計嘅。」

同場的李詩韻最近緋聞不絕，對於被指專吼有錢人，她急急否認：「有冇錢都可以做朋友，同Patrick（鄧健泓）分手後拍過一次拖，都唔係有錢，我覺得富二代唔係咁識珍惜！（揀嘉穎？）佢咁紅，我襯佢唔起呀！」