高鈞賢坐完大髀即傷腳

前香港先生冠軍高鈞賢（Matthew）日前在夜店被「餓女」坐大髀後，前晚他與前香港先生陳志健及多位圈外人球員組成的籃球隊Steps參加公開賽，疑因右腳用力不當受傷，當時他感到腿部肌肉撕裂，需即時送院。Matthew昨日在電話中說：「右腳小腿筋斷咗，依家要用拐杖行，最快要後日開刀做手術。（比賽時畀人撞？）冇人撞，係起步時後腳筋位置好似被人踢，即時行唔到，要隊友送入醫院。」目前他仍留院檢查，暫時不能為新劇《情越海岸線》和《法網狙擊》開工 。

同樣於前晚參加籃球賽的張繼聰說：「我係打第一場，之後入咗去沖涼，佢打第二場，所以佢受傷我唔知，其實打籃球好易受傷，戰況激烈時更加唔會錫身，但佢係我兄弟，希望佢早日康復！」　

高鈞賢（前排右三）受傷前與隊友開心合照。