靚靚金睛火眼(目及)到實

袁詠儀（靚靚）與張智霖（Chilam）向來恩愛，她曾笑言有魔童在手，絕不擔心老公造反。但日前夫婦二人撇下兒子與友人飯局，當晚「冇仔在手」的靚靚甫見有女埋老公身即全程(目及)到實。

袁詠儀（靚靚）自為老公Chilam誕下兒子張慕童後，專心相夫教子，縱使Chilam近年經常離港工作，但有仔萬事足的靚靚坦言冇有怕，更不擔心老公會乘機造反，皆因有兒子魔童在手，靚靚曾得戚地說：「囝囝喺我手驚乜，佢咁愛囝囝去得邊呀？」

傾到唔願走

不過，日前靚靚與Chilam則撇下兒子，相約大班友人前往銅鑼灣晚膳，沒兒子同行的靚靚時刻(目及)實老公。當晚約九時，Chilam駕車接載老婆到達後，即把座駕停泊於酒家附近，兩人下車後匆匆步入食店會合友人，一行人吃至凌晨十二時許仍未離開，還到對面的甜品店外賣不少甜品回酒家慢慢歎。

他們最終歡聚至凌晨一時許才盡興離開，Chilam先與數名友人步出，尾隨的靚靚則與友人邊行邊傾，雞啄唔斷。此時有兩名女士上前攔截Chilam並與他搭訕，眼利的靚靚見狀即撇下友人，急步上前緊隨老公看個究竟，當得悉兩人要求與Chilam合照時，靚靚即在旁「監督」，待Chilam與Fans合照後便與友人步行往街頭取車。

靚靚上車前與友人揮手道別，但長氣的她突然拉着一名女友人講個不停，最終要友人多次催促，並為她開定車門，她才肯上車走人。