Jeana寸嘴：有腰骨先撐得住
雖然甄詠珊因腰痛拆彈，但公開承認隆胸的莊思敏、何佩瑜（Jeana）和蔡恩真卻沒有考慮拆彈，身為隆胸代言人的Jeana寸嘴說：「我成日打碟跳舞都冇事喎！我覺得腰骨痛同隆胸冇關係，我經理人咁大個肚腩都腰痛啦！反而我有腰骨先撐得住個胸！（唔會拆？）我好滿意自己身材，如果第日潮流興平胸，先會再諗啦！」
同是隆胸代言人的莊思敏說：「日後都應該唔會，因為冇咁嘅需要，我嗰隻唔係水袋，做之前已經問清楚，可以用一世。（冇腰痛？）我條腰不嬲有舊患，所以都唔關事嘅！」至於韓星蔡恩真則說：「其實我唔想再做多次手術，假如唔使開刀同唔使咁多錢，我都好想做，否則我唔想承受多次痛楚。」
Jeana滿意身材，待潮流轉變或考慮拆彈。
蔡恩真既想慳錢又怕痛，暫時會維持原狀。（資料圖片）