何傲兒唔怕比家姐早嫁
無綫藝員何傲兒及黃長興昨日行婚紗騷，身穿低胸婚紗的傲兒甚有睇頭，但同場女Model晒巨咪，更為「峰騷」！長興透露將於七月到法國舉行婚禮，明年初才回港擺喜酒：「依家忙安排酒席，最想太太多啲贊助，好似珠寶咁，始終百幾萬嘅首飾戴得一次就好嘥！」已多次穿婚紗的傲兒則表示父母比她更心急：「佢哋叫我搵盛女導師Santino同媒人Mei Ling幫手！（你信Santino？）有啲理論啱，不過最緊要舒服、多笑容！」提到家姐何傲芝的緋聞男友蕭正楠曾表示五年後才結婚，傲兒笑言不怕比家姐早嫁，因曾被相士批遲婚。
何傲兒不心急披嫁衣，但被父母催婚。
模特兒晒巨咪行騷，搶去傲兒不少「峰」頭！